மாடிப்படி

மாடிப்படியில் ஒரு முறை
நீ கொடுத்த முத்தத்தால்
இப்போது ஒவ்வொரு
முறையும் ஏறிப் பார்க்கிறேன்;
உன்னையே எதிர் பார்க்கிறேன்;

மிக நீண்ட இரவில்
உன்னோடு தொலைபேசியில்
உரையாட அவ்வப்போது
உதவுவது உன்
பாதம் மிதித்த இந்த
மாடிப்படி தான் என் உயிரே!

நீ இல்லாத இரவில்
உறங்கச் செல்லும் முன்
ஒருமுறை முத்தமிட்டுத்
தான் செல்லுகிறேன்
உன் பாதம்
பட்ட அந்த மாடிப்படியில்...

நினைவே!! எப்போதெல்லாம்
உன்னை நினைக்கிறேனோ
அப்போதெல்லாம் நான்
வந்து அமர்வது நம்
வீட்டு மாடிப்படி தான்...

உறக்கம் வராத ஒரு சில
இரவில் அந்த மாடிப்படிகளிலே
உறங்கி விடுகிறேன்
உன் மடியாக அந்த
படிகளை நினைத்து
என் அன்பே!!

-SunMuga-
29-10-2014 21.45 PM